ROXAS CITY – “Wala sang nobyo”
“Wala sang madamo nga abyan”
“Indi palaguwa sa balay”
Ini ang deskripsiyon sang magulang nga lalaki sa iya manghod nga si Emmy “Meme” Luching, sa legal nga pang-edaron, sang Sitio Matiti, Barangay Najus-an, Mambusao, Capiz.
Sa pagpakig-angut sang Bombo Radyo kay Miguel Luching, magulang ni Emmy, masako sila subong nga aga sa pagpangita sa iya utod sa nabukid nga bahin sang ila lugar.
Sandig naman sa Facebook post sang isa pa ka utod ni Emmy, katapusan nga nakit-an ini sa ila balay, alas-3 sang hapon, Hunyo 29.
Ginaalegar man nga posible may kaangtanan sa wala paglakip sa magagagradwar ang ginalantaw nga rason sa pagbiya sa ila balay sang dalaga.
Nahibaluan nga nagakuha sang kurso nga Bachelor of Science in Office Administration (BSOA) si Luching.
