ROXAS CITY – Ginbawian sang kabuhi ang 21-anyos nga dalaga matapos nga nalumos samtang nagapaligo sa baybay beach kaina sang aga
Ginkilala ang biktima nga si Meraly Espejo sang Barangay Ilas Norte, Dao, Capiz.
Suno kay Mr. Francisco Espejo Jr., amay sang biktima nga ila nabatian sa Bombo Radyo nga ginapanawagan ang pamilya ni Meraly Espejo matapos nga ini ang nalumos.
Gilayon nga nagpadulong ang ginikanan sang biktima sa Roxas Memorial Provincial Hospital agud tsekyaron ang kahimtangan sang ila anak.
Apang wala na nila maabtan nga buhi ang biktima.
Nahibaluan nga naglisensiya pa kagab-I ang biktima sa iloy nga maupod sa outing sang pamilya sang iya nobyo nga bag-o lamang nag-abot.
Samtang ginlaragway naman ni Mr. Francisco nga isa ka mabuot nga anak si Meraly nga nagabulig sa ila pamilya.
