Dalagita nga dal-on kuntani sa ospital, ginpaanak sang mga frontliners sa banwa sang Tapaz

ROXAS CITY – Ginpaanak sang mga frontliners sa Barangay Bag-ong Barrio, sa banwa sang Tapaz, Capiz ang 14 anyos nga dalagita nga pagadal-on pa kuntani sa ospital.

Sa impormasyon nga nakuha sang Bombo Radyo, una nga nagresponde ang mga katapo sang Tapaz Municipal Station agud dal-on kuntani sa ospital ang nasambit nga dalagita.

Apang bangud wala na mapunggan pa sang dalagita ang iya nga pagbun-ag, ginpaanak na lamang ini sang mga frontliners sa sulod mismo sang patrol.

Nangin kabulig sang mga pulis ang isa ka midwife sa pagpaanak sang nasambit nga dalagita.

Sa karon yara na sa maayo nga kondisyon ang nasambit nga dalagita kag ang bag-o bun-ag nga lapsag nga isa ka baby girl.