Suspek nga ginaalegar naghimulos sa Grade 8 student nga nagabahog sang baboy, arestado

ROXAS CITY – Magapangatubang sang nagakaigo nga panumbungon ang 29-anyos nga suspek nga ginaalegar naghimulos sa Grade 8 student sa isa ka banwa sa probinsiya sang Capiz, matapos maaresto sang kapulisan.

Nahibaluan nga nagabahog sang hinuptan nga baboy ang 15-anyos nga si alyas Inday sang ginpalapitan sang suspek kadungan ang pagtutuk sang kutsilyo kag gindala sa nabukid nga bahin sang nasambit nga barangay kag ginhimuslan.

Nagguwa sa medical examination sa dalagita nga positibo ini nga ginhimuslan sang suspek.

Sa karon nakahunong na sa bilangguan ang suspetsado.