PANAY, CAPIZ – Patay ang siyam ka tuig nga bata matapos malumos sa suba sa Barangay Candual, Panay, Capiz.
Ginpahayag ni PSSgt Ryan Barrera, imbestigador sang Panay PNP, naglisensiya ang mag-utod sa ila iloy nga magapaligo sa bubon, apang nahagaran sila sang apat pa ka mga kabataan nga magpaligo sa suba.
Nagaguwa sa imbestigasyon nga una nga dyutayan malumos ang 12-anyos nga magulang sang 9 ka tuig nga biktima.
Nagpangayo sang bulig ang magulang sa manghod nga ginbutong ang iya magulang.
Apang dimalas sang manghod nga biktima bangud kasunod sa iya pagbulong sa magulang ang iya nga paglugdang tobtob wala na ini makabutwa.
Sa pagpangita sa biktima sang pila ka mga nagresponde, natapakan pa ini matapos nasal-an nga sako.
Gindala pa ini sa ospital apang gindeklara nga dead on arrival sang doktor.
