ROXAS CITY – Wala ginapabay-an sang katapo sang Department of Public Works and Highways (DPWH) ang dalan nga underconstruction sa Barangay, Bailan, Pontevedra Capiz.
Ini ang ginpahayag ni Engr. Julius Abela Maintenance Division sang Department of Public Works and Highways 1st Engr. District sang mainterview sang Bombo Radyo.
Suno kay Abela, wala ginapabay-an ang amu nga konstruksyon bangud may yara lamang sila sang ginasunod kag ginakonsiderar nga oras agud dalayon na nga matapos ang amu nga proyekto.
Pila man sa ginalantaw nga rason sang temporaryo sini nga pag-untat amu ang malain nga tyempo bangud suno kay Abela, sa tion nga magbuhos na sila sang graba kinahanglan nga hulaton ini nga magmala antes buksan sa umalagi.
Ini matapos, madamo na nga mga motorista kag residente ang nagpalab-ot sang reklamo angut sa ginakay-o nga dalan nga tubtob sa karun wala pa natapos kag nagatuga sang pagbaha sa tion nga mag-ulan sa lugar.
Ginpahayag man sini nga sa masunod nga bulan posible matapos na ang amu nga proyekto.
Panugyan sini sa publiko nga mangin maintindihon kag pasensyahon bangud luyag man nila nga matapos na ang amu nga proyekto kag mabuksan na sa publiko.
