Mahimo na liwat nga maagyan sang mga motorista ang dalan sa Legaspi Street corner Hughes Street kag Rizal Street sa Roxas City.
Ini matapos nga temporaryo nga ginsiraduhan ang amo nga mga dalan bangud sang isa ka fire tree nga ginakabalak-an nga posible matumba kag magtuga sang peligro sa mga nagalabay sa lugar.
Sa interview sang Bombo Radyo kay Melvin Galagate, Head sang Roxas City Communications Group, iya ginpahayag nga gilayon nga gin-utod ang mga sanga sang kahoy agud masiguro ang seguridad sang mga motorista.
Suno kay Galagate, ang operasyon sa pagpang-utod sang mga sanga sang kahoy ang ginpatigayon sang City Engineers Office.
Napanawagan naman ang mga otoridad sa publiko nga gilayon nga kag magreport kun may makita nga mga kahoy ukon istruktura nga posible magtuga sang peligro sa komunidad.
