Mahimu na nga maagyan sang mga pumuluyo kag motorista ang dalan sa Sitio Pagutok, Barangay Dayao, matapos nga ginsirado sang tinalikdan nga adlaw.
Sa interview sang Bombo Radyo kay Punong Barangay Wenie Batuampo, iya ginpahayag gilayon nga ginpalab-ot ang problema sa City Government kag gilayon man ini gintahagan sang solusyon.
Suno kay Batuampo, bukas na ang dalan para sa tanan nga gusto maglabay.
Dugang pa sini nga nagdangop man sa barangay ang ginapahayag isa mga nagapag-iya sang nasimbit nga duta kaangut sa amo nga hitabo.
Ginpahayag man sini nga ginangabay sini sa tag-iya nga magbunuligay para sa kaayuhan sang barangay.
Ginpasigurado man sang mga barangay officials sang Barangay Dayao nga wala sila nagapabaya sa serbisyo sa mga pumuluyo.
Samtang bukas naman ang Bombo Radyo sa pagpaathag sang mga ginapahayag mga nagapag-iya sang nasambit nga dalan.
