ROXAS CITY – Pormal na nga ginsuguran ang Philippine International Dance Workshop and Festival 2019 sa probinsiya sang Capiz.
Ang lima ka adlaw nga Dance Xchange 2019 ginpasakupan sang mga pungsod gikan sa Russia, Indonesia, Taiwan, India, South Korea, UK, HongKong, Thailand, Malaysia, Japan, China, Bangladesh, Turkey, Poland kag Pilipinas.
Malipayon si Commissioner Alphonsus Tesoro, head sang Provincial Tourism and Cultural Affairs Office (PTCAO) nga liwat napili ang probinsiya nga magtagbalay sa isa ka daku nga event sang National Commission for Culture and the Arts (NCCA), bangud makabulig ini para mapasanyog pa ang ekonomiya sang Capiz.
Tinutuyo sang Dance Xchange nga matingub ang mga dancers, teachers kag choreographers sa Pilipinas kag iban nga nasyon kag mangin alagyan ini para sa pagbayluhanay sang mga ideya may kaangtanan sa mga saut sa ila nga pungsod.
Makita man sa mga dance performances ang pagshowcase sang unique dances sang participating countries.
