Ginalauman nga maka-eksperyensya sang danger level heat index ang tatlo ka lugar sa Luzon subong nga adlaw sang Miyerkules, Abril 2.
Suno sa state weather bureau, ginalauman nga mabatyagan ang 42 degrees Celsius heat index sa Iba, Zambales kag Virac (Synop), Catanduanes.
Sa Metro Manila, ginalauman nga makabatyag sang heat index nga 40 degrees Celsius samtang sa Quezon city ginalauman nga maka-eksperyensya sang 36 degrees Celsius.
Sa Dagupan city, Pangasinan, ginalauman nga magalab-ot sa 43 degrees Celsius ang heat index.
Nagpaandam naman ang bureau nga ang temperatura sa tunga sang 42 degrees Celsius kag 51 degrees Celsius ang yara sa danger category nga nagatuga sang pamahog sa ikaayong lawas kasubong sang heat cramps, heat exhaustion kag heat stroke.
