-- ADVERTISEMENT --
Ginkilala bilang pinakabag-o nga Chess Grand Master sang pungsod ang 20-anyos nga soltero nagikan sa Cavite nga si Daniel Quizon.
Naangkon sini ang nasambit nga Grand Master rank sang malab-ot ang 2,500-rating barrier kag matapos nga lutuson sini si Russian-born Monegasque GM Igor Efimov.
Si Quizon ang pinakaulihi nga Pinoy Grand Master kasunod nanday Oliver Barbosa kag Richard Bitoon nga ginkilala sadtong 2011.
Magabaton naman ini sang P1-milyon nga cash incentives gikan kay Dasmarinas City Mayor Jenny Barzaga.
Nagbubo naman ang pagpanamyaw kay Quizon gikan sa nagkalain-lain nga sports personalities matapos ang nasambit nga kadalag-an.
-- ADVERTISEMENT --
