Naglapad pa ang kahalitan nga ginbilin sang bagyong Kristine sa sektor sang agrikultura sa pungsod.
Sa panibag-o nga datos nga ginpaguwa sang Department of Agriculture (DA), nagdangat na sa P143.47 million ang balor sang danyos sa mga ulumhan.
Apektado ang yara sa 4,798 mangungma kag 3,358 ektarya sang agricultural areas sa Cordillera Administrative Region, Central Luzon, Mimaropa, Bicol Region, Western at Eastern Visayas, kag Soccsksargen, nga nagresulta sa pagkadula sang produksyon nga 8,600 metric tons (MT).
Ginpahayag sang departamento nga ginabulubanta nga 8,265 MT ang pagkalugi sa produksyon para sa palay (unhusked rice), 187 MT para sa high-value crops, 102 MT para sa mais, kag 46 MT para sa cassava.
Bilang sabat, gintuad sang DA nga naghatag ini sang P531.72 milyon nga balor sang agricultural input gikan sa mga field office sini para sa mga apektado nga rehiyon kag P1 bilyon pinaagi sang Quick Response Fund agud buligan nga makabangon ang mga apektado nga lugar.
Nakabaton man ang Agricultural Credit Policy Council’s Survival and Recovery Loan Program sang P500 milyon halin sa DA agud maka-loan ang mga mangunguma sang tubtob P25,000, nga pwede bayaran sa sulod sang tatlo ka tuig na nga wala sang interest.
