Daog ang Atlanta Hawks batok sa Memphis Grizzlies sa score nga 146-107.
Pinangunahan ni Nickeil Alexander-Walker ang Hawks sa iya 26 points, nga kadam-an nakuha niya sa una nga bahin sang laro, kag may dugang pa nga 6 ka assists. Nakaambag man sanday Onyeka Okongwu kag Jonathan Kuminga nga may tig-16 points, samtang si CJ McCollum nagdugang sang 15 pointskag 9 ka assists.
Nakita ang mabaskog nga opensa kag depensa sang Hawks, labi na sa tunga sang duwa kun sa diin ginpahamtang gid nila ang ila kalamangan. Labaw sa 50% ang ila shooting kag epektibo man sila sa three-point area.
Sa pihak nga bahin, ginpangunahan ni GG Jackson ang Memphis sa iya 26 points, samtang si Tyler Burton naghatag sang 20 points halin sa bench. Apang, indi ini sapat para makahabol ang Grizzlies bangod sa ila padayon nga sunod-sunod nga kapirdehan.
