ROXAS CITY – Patent/Certificate of Land Ownership Award (EP/CLOA) sakup ang 142.3249 ektarya ang ginpanghatag sa 150 agrarian reform beneficiaries (ARBs) sa EP/CLOA Distribution nga ginhiwat sang Hunyo 28, Civic Center, Maayon, probinsya sang Capiz.
Kalakip sa mga ginpanghatagan sang CLOAs ang mga benepisyaryo nga mga mangunguma nagikan sa banwa sang Cuartero, Dumarao, Mambusao, Panit-an, Roxas City, Tapaz, Sigma kag Maayon.
Ginpangunahan ni Assistant Regional Director (ARD) Lucrecia S. Taberna ang pagpanghatag kag pagpanginbulahan sa mga ARBs kag ginganyat sini ang mga mangunguma nga proteksyonan kag idumala ang kinamatarong bilang bag-o nga mga landowners.
Mahibaluan nga kadungan sang aktibidad ang selebrasyon sang 34th CARP kag 50th PD 27 nga anibersaryo nga nagatuyo nga mahatagan sang serbisyo ang nagakinahanglan nga mga mamumugon.
Daku naman ang pagpasalamat sang mga benepisyaryo kag nagpalab-ot man sang pagpasalamat ang pila ka opisyales kag alkalde sang tagsa ka banwa sang probinsya nga nalakip sa nasambit nga distribusyon sang duta.
