MANILA-Gin-deklarar sang Senate impeachment court bilang “hostile witness” si Davao City Mayor Sebastian “Baste” Duterte sa impeachment trial sang iya utod nga si Vice President Sara Duterte sini nga Martes.
Ang desisyon ginpahayag ni Senate President kag presiding officer Sen. Francis Escudero matapos makita sang korte nga may adverse interest si Baste bilang testigo. Ginpatawag siya sa Senado agud pamangkuton parte sa mga kontrata sang Davao City government sa GenCorp Industries Incorporated.
May kaangtanan ini sa alegasyon batok kay Vice President Duterte nga nagtipon sang unexplained wealth, wala bug-os nga nagdeklarar sang iya mga assets kag wala nag-divest ukon nagbiya sa iya mga business interests samtang yara sa pwesto bilang Bise Presidente.
Gindeklarar ni Vice President Duterte ang GenCorp bilang business interest sa iya 2024 kag 2025 SALNs. Ang mga transaksyon sang Davao City government sa kompanya amo ang isa sa mga ginatutukan sa impeachment trial.
