MANILA-Nag-abot na sa Senado si Davao City Mayor Sebastian “Baste” Duterte sini nga Martes sang aga para magtestigo sa impeachment trial sang iya utod nga si Vice President Sara Duterte.
Ginalauman nga ipatawag sang House Prosecution panel si Baste para magtestigo sa Article II sang Articles of Impeachment, nga nagalakip sa alegasyon sang unexplained wealth ukon indi maathag nga pagdaku sang manggad sang Bise Presidente.
Antes sini, nag-request si Baste nga sa Setyembre 29 tubtob 30 siya mag-atubang sa impeachment court agud makapreparar sang mga dokumento nga iya ipresentar sa pagtestigo.
May kaangtanan sa GenCorp Industries Incorporated ang iya pagtestigo, ilabi na sa 19 ka kontrata sang Davao City government sa kompanya nga nagabalor sang kapin P33.2 milyon. Suno kay Baste, yara sa husto ang tanan nga transaksyon kag wala siya kag iban nga city officials nakahibalo nga may interest si Vice President Duterte sa GenCorp.
