Maga-atubang sa Senate Impeachment Court si Davao City Mayor Sebastian “Baste” Duterte agud sabton ang mga pamangkot angut sa mga transaksyon sa tunga sang Davao City government kag Gencorp Industries Inc.
Ginmanduan si Baste nga magpresentar sang records sang mga transaksyon sa tunga sang Davao City government kag Gencorp halin 2020 tubtob subong.
Suno sa House prosecutors, ang Gencorp ang isa sa mga kompaniya nga gindeklarar ni Vice President Sara Duterte nga may financial interest sa iya Statement of Assets, Liabilities, and Net Worth (SALN).
Luyag sang prosekusyom nga mahibaluan kon bala may mga transaksyon nga natabo sa tunga sang Gencorp kag sang gobyerno sang Davao City sa tion sang termino ni Baste bilang alkalde kag kon paano ini nga mga transaksyon ginhimo.
Samtang, magahingyo man ang prosekusyon nga ideklarar nga hostile witness si Baste nga kabahin sang Article II sang kaso nga impeachment batok kay Vice President Duterte.
