Gin-athag sang Davao City Regional Trial Court Branch 15 nga wala nila ginakansela ukon ginapawala sang bisa ang warrant of arrest batuk kay Pastor Apollo Quiboloy kag iban pa nga mga akusado sa human trafficking kag sexual abuse cases.
Base sa Clarificatory Order sang korte, ginpahayag sang hukuman nga magapabilin ang mga proseso tuhoy sa arrest order bangud ini ang nakasalig sa mandu sang isa pa nga korte.
Naghalin ini sa una na nga ginpaguha nga Temporary Protection Order (TPO).
“To emphasize, the issued TPO did not cancel or nullity the processes related to warrants of arrest. Both serve different purposes and are not contrudictory with each other” JUDGE MARIO DUAVES
Ang panibag-o nga dokumento gikan sa Davao court ang pirmado ni Judge Mario Duaves.
Diri ginatugyan ang clerk of court nga iserbe gilayon ang direktiba sa mga partido sa kaso, kalakip na ang mga opisyal sang pulisya kag Kingdom of Jesus Christ (KOJC).
