Davao Occidental, gintay-og sang magnitude 5.0 nga linog

Gintay-og sang magnitude 5.0 nga linog ang kadagatan sa Balut Island sa munisipyo sang Sarangani, Davao Occidental sang Martes sang kaagahon suno sa Philippine Institute of Volcanology and Seismology (PHIVOLCS).

Narekord ang pagtay-og las 1:44 kaina sang kaagahon.

Tectonic ang ginhalinan sang linog kag may kadalumon nga 10 kilometers.

Ginpahayag sang PHIVOLCS nga wala sang ginalauman nga kahalitan sa mga estraktura ukon komunidad sa lugar.

Wala naman sang ginalauman nga aftershocks kasunod sang linog suno sa PHIVOLCS.