Motions kag opening statements ang mangin initial agenda sa una nga adlaw sang impeachment trial ni Vice President Sara Duterte sa Hulyo 6.
Suno kay House prosecutor Rep. Joel Chua, ang pagpresentar sang mga ebidensya kag mga testigo ginalauman nga magasugod lamang sa ikaduha nga adlaw, kasunod sang pagsolbar sang mga isyu sang pang-proseso.
Lakip sa pending motions amo ang authorization para sa simultaneous participation sang public kag private prosecutors, subong man ang pagbukas sang sealed Bureau of Internal Revenue (BIR) box nga gina-alegar nagaunod sang tax records nanday Duterte kag iya bana.
Madumduman nga nagpasugot ang depensa sa pagbukas sang kahon, basta patigayunon ini sa tion sang executive session.
Natalana naman nga magasugod sa Hulyo 6 kag ginalauman nga magalawig sang ginabanta tatlo ka bulan.
