Nagapadayon ang ika-duha nga adlaw sang Brigada Eskwela para sa School Year 2026-2027 sa President A. Roxas Memorial School-North.
Sa interview sang Bombo Radyo kay Ruth Barrios, Prencipal III, sang amo nga buluthuan, iya ginpahayag nga ang tema sang Brigada Eskwela amo ang “Bayanihan sa Paaralan: Nagkakaisa para sa Kauysan at Kaalaman,” nga may tinutuyo sang pagbinuligay sang mga partner agencies kag stakeholders sa pagpreparar para sa pagbukas sang klase.
Suno kay Barrios, naka-umpisa na ang eskwelahan sa mga minor repairs kag repainting sang mga classroom kag pasilidad.
Nagapasalamat man ini sa suporta sang mga ginikanan, volunteers kag mga partner nga nagabulig sa programa.
Dugang pa sini nga prioridad sang eskwelahan amo paghatag sang dekalidad nga edukasyon para sa mga estudyante.
