-- ADVERTISEMENT --
ROXAS CITY – Temporaryo nga ginpauntat ang klase sa isa ka daycare center sa Barangay Milibili, Roxas City matapos makabaton sang ‘bomb threat’.
Sa interview sang Bombo Radyo Roxas sa day care worker nga si Maria Victoria Rivera, ginpahayag sini nga iya ginkakibot sang nakit-an nga guba na ang bintana sang iya nga classroom.
Diri kag iya nakit-an ang blackboard nga may nakasulat nga mga tinaga nga ‘Nagtanom ako bomba diri’.
Bangud diri, gilayon nga ginpapuli ni Rivera ang iya mga estudyante kag nagpanawag ini sa mga otoridad.
Gilayon nga gin-kordon sang mga otoridad ang nasambit nga day care center agud masiguro ang seguridad sang mga estudyante kag mangin mga residente nga malapit sa amo nga pasilidad.
-- ADVERTISEMENT --
