-- ADVERTISEMENT --
Gindeklarar ni Presidente Ferdinand Marcos ang pila ka adlaw nga pagpangasubo bangud sa pagtaliwan ni Pope Francis.
Suno sa Presidential Communications Office (PCO), ang nasambit nga mga inadlaw sang pagpangasubo ang nagsugod kahapon, Abril 23 tubtub 26, ukon ang adlaw sang lubong sang Santo Papa.
Sa nasambit nga adlaw, igabutang sa half-mast ang national flag sa tanan nga government buildings kag government installations sa pungsod kag sa luwas sang pungsod.
Una nga ginkumpirmar ni Palace Press Officer Undersecretary Atty. Claire Castro nga magatambong ang presidente sa lubong sang Santo Papa kaupod ni First Lady Liza Marcos.
