Ginkontra sang incoming Mamamayang Liberal (ML) Party-list Representative Leila de Lima ang pahayag ni Bise Presidente Sara Duterte nga “persecution kag crucifixion” ukon pagpamigos kag paglansang sa krus ang ginapangatubang sini nga impeachment case.
Pahayag ni De Lima, nga magatindog bilang miyembro sang House Prosecution Team sa 20th Congress, may basehan ang tanan nga Articles of Impeachment batuk sa bise presidente kag indi imbento ang mga kaso nga ginpamatbat para sa iya.
Dugang pa sini, indi pareho sa iya nga naagyan sang nakaligad nga Duterte administration kun sa diin suno sa iya ginkasuhan sya sang kun ano-ano nga kaso kag gin-ipit.
Samtang, ginsiling ni De Lima nga ang importante sa karon amo ang pagsabat sang bise presidente sa mga alegasyon nga ginahaboy batuk sa iya, kag ipaathag ang mga ebidensya nga naguluha sang hearing sang House Committee on Good Government and Public Accountability.
