Nakigsapol si anay senador Leila de Lima kay Ramil Madriaga sa iya detention facility, pila ka adlaw antes ginpagwa ang iya affidavit nga naga-akusar kay anay Presidente Rodrigo Duterte nga gin-alegar nagabaton sang pondo gikan sa Philippine Offshore Gaming Operators (POGO) kag sa iya mga nauna nga deals sang droga.
Suno kay De Lima, ginpamangkot niya si Madriaga kun may yara ini sang ebidensya nga nagasuporta sa mga alegasyon, lakip na ang mga mandu nga iya nabaton gikan kanday Duterte, Vice President Sara Duterte, kag Col.
Ginpahayag ni Madriaga nga may mga ebidensya siya nga nagasuporta sa iya mga alegasyon.
Ginpakigbahin man sang Kongresista nga nakabaton siya sang sulat gikan kay Madriaga, nga ginpadala sang Nobyembre 17, nga nagapangayo sang bulig angot sa iya kaso.
Pahayag pa ni Madriaga, gina-harass siya bangud sa mga akusasyon nga ginpasaka batok kay Atty. Harry Roque.
Dugang pa ni De Lima nga dapat repasuhon sang Office of the Ombudsman ang mga pahayag ni Madriaga kag siguraduhon ang safety sini samtang yara sa prisuhan.
