Ginpalawig sang Bureau of Internal Revenue (BIR) ang deadline para sa pag-file sang value-added tax (VAT) returns para sa non-resident digital service providers sa Agosto 5.
Sa Revenue Memorandum Circular sang Huwebes, ang extension ang para sa VAT returns kag payments para sa second quarter.
Ang orihinal nga deadline gintalana sang Hulyo 25 apang, gin-urong sa Hulyo 31 bangud sang malapnagon nga pagbaha sa madamo nga bahin sang pungsod sang tinalikdan nga semana.
Suno sa BIR, kun ang extended due dates natu-on sa holiday ukon non-working day, ang filing sang VAT returns kag payment sang VAT due ang himuon sa masunod nga mga working day.
Ang gobyerno nagpatuman sang 12% VAT sa digital services nga ginakunsumo sa Pilipinas sang Hunyo 1. Ginpirmihan ni Presidente Ferdinand R. Marcos, Jr. ang digital services VAT law sang Oktubre.
Ginsiling sang Department of Finance (DoF) nga ginalauman nga makalikom ang gobyerno sang P102.12 billion gikan sa VAT sa katunga-tungaan sang 2025 kag 2028.
