Ginakonsiderar sang Indonesia nga isaylo sa presohan sa Pilipinas ang Pinay death row convict nga si Mary Jane Veloso.
Mahibaluan nga ginanunsiyo sang Legal kag Human Rights Ministry sang Jakarta nga ini ang ginakabig biggest breakthrough sa sulod sang 14 ka tuig nga kampanya agud mapauli na sa pungsod ang Pinay.
Pagatugutan sini ang Pilipinas nga maghimo sang desisyon may kaangtanan sa posible nga pagpasaka sang clemency kay Veloso sa oras nga masaylo na ini.
Sa tion nga masaylo na ini sa Pilipinas, padayon sa gihapon nga ipamatbat kay Veloso ang nabilin nga sentensiya sa pungsod nga may nagakaigo nga kondisyon sang korte sa Indonesia.
Ang anunsiyo, ginhimo matapos ang official visit ni Philippine Ambassador to Indonesia Gina Alagon Jamoralin sa Coordinating Ministry for Legal, Human Rights, Immigration kag Correction sang Indonesia kung sa diin gintalakay ang estado sang kaso ni Veloso nga yara sa death row sumugod pa sadtong 2014 matapos maaresto sadtong 2010 sa Yogyakarta Airport matapos madiskubre ang 2.6 kilo nga heroin sa iya bagahe.
Matandaan nga nagpanindugan ang Pinay nga inosente ini sa akusasyon nga ginahaboy batuk sa iya.
