Naglab-ot na sa masobra 100 ang death toll kag masobra 390 ang suspected cases sang Ebola sa Democratic Republic of Congo (DRC), suno sa Africa Centers for Disease Control and Prevention.
Na-record man ang virus sa Uganda kun sa diin may yara na sang duha ka kumpirmado nga kaso kag isa ang napatay.
Lakip sa mga kumpirmado nga natapikan amo ang isa ka Amerikano nga doktor sa DRC, kag natalana nga i-gabayahe padulong sa Germany para sa nagakaigo NGA pagbulong .
Ginpahayag man nga posible may mga Amerikano nga na-expose sa virus nga ginabuligan subong sang gobyerno sang Estados Unidos.
Nagpatuman man ang mga kaiping nga pungsod kaangay sang Rwanda kag Nigeria sang border screening bilang tikang agud malikawan ang virus.
Magluwas sini, nagpagwa man sang Level 4 travel advisory ang Estados Unidos, bilang paandam sa magapadulong sa Democratic Republic of Congo.
Sa subong, wala pa sang aprubado nga bulong ukon bakuna batok sa Bundibugyo strain sang Ebola, gani nagapanawagan ang Africa Centres for Disease Control and Prevention kag WHO sa publiko nga magsunod sa mga protocol kag pabaskugon ang community surveillance agud malikawan ang paglapta sang virus.
