-- ADVERTISEMENT --
Naglab-ot na sa 132 ang napatay samtang 570 naman ang pilason matapos ang magnitude 7.4 nga linog nga nag-igo sa west Colombia suno sa Colombian Association of Capital Cities.
Padayon ang search and rescue operations sang mga otoridad sa pagluwas sa mga na-trap sa idalum sang narumpag nga buildings.
Kalakip sa mga nahalitan amo ang pediatric kag neonatal section sang isa ka ospital sa syudad sang Cali.
Bangud sa kadakuon sang kahalitan, nagdeklarar ang gobyerno sang Colombia sang national disaster kag nagpadala sang mga soldado sa mga apektado nga lugar agud magbulig sa mga operasyon.
Nabatyagan man ang mabaskog nga pagtay-og sa Bogotá, nga nagtuga sang pagtunog sang emergency alarm kag nag-evacuate ang mga pumuluyo.
