Ginkumpirmar sang National Disaster Risk Reduction and Management Council (NDRRMC) nga 36 ka indibidwal na ang nabalita nga napatay sa pagpanghalit sang nag-agi nga kalamidad.
Nagsugod na nga maipalab-ot sa NDRRM Operations Center sa Camp Aguinaldo sa Quezon City ang mga report nagikan sa mga apektado nga lugar kadungan sang pag-ayo sang panyempo.
Kalabanan sa mga nairekord nga napatay amo ang nagikan sa National Capital Region nga yara sa 15, ginsundan sang Calabarzon nga nakapagrekord sang 10 ang napatay kag Zamboanga Peninsula nga may 4 nga casualties apang sa Central Luzon kaag BARMM naman ang may tig-2 nga napatay, sa Ilocos region, Northern Mindanao kag Davao region naman ang may tig-isa ang napatay.
Sa kabug-usan nga numero, 14 diri ang nakumpirmar na sang NDRRMC nga kun sa diin, 10 ka biktima ang mapatay bangud sa magkatuhay nga insidente sang landslide sa Angeles city, Pampanga, Agoncillo, Batangas kag Zamboanga city.
Nasa 3 ka biktima naman ang napatay matapos malunod sa magkatuhay nga insidente sa Maramag, Bukidnon kag sa Jose Abad Santos, Davao Occidental.
May isa naman nga gibawian sang ksbuhi matapos mabagsakan sang puno sa Nasugbu, Batangas.
Ang nabilin naman nga 22 nga napatay ang padayon pa nga ginakumpirmar sa karon sang ahensya.
May 3 naman ka indibidwal ang nagapabilin nga missing sa Region 1 kag 10 samtang 6 naman ang nagkalapilasan sa CAR kag Region 10.
Sa kabug-usan, nagdangat na sa 4,553,752 ka indibidwal ang naapektuhan sang nasambit nga kalamidad.
Samtang, yara naman sa kabug-usan nga balor nga P3.4 billion nga ayuda ang napadala na para sa mga typhoon victims.
