Naglab-ot na sa masobra 350 ang napatay samtang masobra naman sa 1,000 ang nagapabilin sa gihapon nga missing matapos nagluntad ang flash flood sa Nepal.
Suno kay Bombo Trini Laurea Basnet, international correspondent sa Nepal, nagapangatubang sang seryoso nga pagpanghangkat ang rescue teams bangud sa remote location kag lain-lain nga dalagan sang panahon.
Mas nangin mabudlay pa ang rescue operation sa Nepal kag Tibet bangud sa malain nga tyempo kag delikado nga dalanon.
Sa Tibet, ginpahayag sang Chinese authorities nga ang rescue work sa Gyirong Country ang nangin mas mabudlay bangud sa padayon nga ulan.
Apang ini ang mas mangin mabudlay pa sa mga masunod nga adlaw bangud sa malain nga tyempo.
Pahayag ni Basnet, nagakabudlayan ang rescue teams nga magdala sang dalagko nga salakyan kag equipment sa lugar bangud makitid ang dalan sa kabukiran.
