Death Toll sa nagluntad nga linog sa Mindanao, nagdangat na sa 55; 31 ka iban pa, nagapabilin nga missing

Nagdamo na ang mga napatay kasunod sang magnitude 7.8 nga linog nga nag-igo sa pila ka bahin sang Mindanao sang Hunyo 8, 2026.

Sa pinakaulihi nga data sang National Disaster Risk Reduction and Management Council (NDRRMC), naglab-ot na sa 55 ang casualties.

Nagdugang man ang numero sang mga napilasan pagkatapos sang verification nga yara na sa 1,120.

Samtang nagapabilin naman nga missing ang 31 ka mga indibidwal base sa report sang ila mga himata kag natipon nga testimonya.

Bangud sini, liwat nga nagpanugyan ang NDRRMC sa publiko nga magpabilin nga alerto kag maghanda sa posible nga mga aftershocks, nga naglab-ot na sa masobra 3,000 humalin sang nagluntad ang linog sang Lunes.