Death toll sa nagluntad nga magnitude 7.7 nga linog sa Indonesia, naglab-ot na sa 47

Nagdangat na sa 47 ang napatay sa magnitude 7.7 nga linog nga nag-igo sa Indonesia.

Suno sa National Disaster Management Agency (BNPB), ginalauman nga magataas ang numero sang fatalities, bangud madamo man ang napilasan sa nasambit nga insidente.

Pila ka mga building ang nag-angkon sang tuman nga kahalitan bangud sang linog.

Ang pagtay-ug ginsundan sang magnitude 6.1 nga aftershock.

Gin-evacuate na sang mga otoridad ang pila ka mga residente sa lugar nga apektado sang linog.

Padayon ang pagpangita sang mga opisyal sa mga naguba nga mga building para sa mga tawo nga mahimo na-trap ukon natabunan bangud sang linog.