Death toll sa nagluntad nga pag-collapse sang minahan sa Zamboye village, Central African Republic, naglab-ot na sa masobra 100

Naglab-ot na sa masobra 100 ka tawo ang napatay matapos nga nag-collapse ang isa ka artisanal gold mine sa Zamboye village, Central African Republic.

Ang minahan nahamtang sa Nana-Mambere prefecture, mga 50 kilometers gikan sa Baboua kag malapit sa border sang Cameroon.

Suno sa Red Cross, kritikal ang kondisyon sang pila ka mga survivors samtang nagapadayon ang search and rescue operations sa lugar.

Posible pa nga magtaas ang numero sang mga nagkalamatay bangud may mga missing kag pila ka mga tawo ang ginapatihan nga nalubong sa idalum sang landslides kag mga bato.

Padayon ang imbestigasyon sang mga otoridad sa insidente agud mahibaluan ang gintunaan sang pag-collapse kag kun bala dapat manabat ang sin-o man nga involved sa mining operation.