Naglab-ot na sa 235 ang numero sang mga napatay sa nagluntad nga sunod-sunod nga linog sa pungsod Venezuela.
Suno sa data sang health ministry, nagsaka man sa 4, 300 ka mga tawo ang na-record nga napilasan bangud sang linog, kon sa diin kalabanan sa La Guaira region.
Nagdeklara man sang state of emergency si Acting President Delcy Rodriguez, samtang temporaryo naman nga ginpasarado ang Simon Bolivar International Airport sa Caracas bangud sa kahalitan.
Padayon naman nga ginapangita sang mga rescuers ang madamo nga tawo nga missing ukon na-trap sa idalom sang narumpag nga mga building.
Nagpadala na ang Amerika sang elite rescue teams sa Venezuela apang indi pa maathag kon san-o ini magaabot kag nagpadala naman sang bulig ang iban pa nga mga pungsod.
