Nagsaka na sa talo ang patay kag 36 ka iban pa ang nagapabilin nga missing matapos nagluntad ang landslide sa isa ka private landfill sa Barangay Binaliw, Cebu City.
Kaupod sa mga nadula ang 31 ka mga empleyado sang Prime Waste Solutions kag ang iban naman mga empleyado sang subcontractor.
Suno kay Cebu City Mayor Archival, ang mga opisyales sang Department of Social Welfare and Services sa Cebu City, Department of Social Welfare and Development, Department of Labor and Employment, Department of Environment and Natural Resources, kag ang kompanya nga naga-operate sang landfill nga Prime Waste INC., padayon nga nagapatigayon sang proseso sa pag-assess kon ano nga bulig ang mahimo nga ihatag sa mga nalubong nga himata sa landfill.
Ginmando man sang alkalde ang pagpatigayon sang 3 ka adlaw nga 24-oras nga search, rescue and retrieval operations tubtub sa Enero 11, samtang 500 pa ka mga organic kag rescue volunteers ang nakadeploy pa sa lugar kag 400 ka mga rescuers ang ginalauman nga igadeploy agud mapadasig ang operasyon.
Nahibaluan nga natiphag ang mga natambak nga basura sa lugar sang Enero 8 huwebes sang hapon. Padayon naman ang rescue operation nga ginapatigayon sang mga awtoridad para makit-an pa ang iban pa nga mga nadula.
