Nagdangat na sa 16 ang numero sang mga napatay sa pagpanalasa sang nag-agi nga bagyong Enteng sa pungsod.
Base sa report sang National Disaster Risk Reduction and Management Council (NDRRMC) sining aga sang Biyernes, 8 sa napagkit ang napatay ang naghalin sa Calabarzon Region, 3 nagikan sa Bicol region, tig-2 sa Central kag Eastern Visayas kag 1 sa Western Visayas.
Tanan nga mga ini ang ginpaidalum pa sa validation.
Samtang, 17 ka indibIdwal naman ang nareport nga nadula samtang 13 ang napilasan sa kasagsagan sang bagyo nga nagtuga sang lapnagon nga pagbaha kag landslide sa nagkalain-lain nga parte sang Luzon kag Visayas.
Sa karun, dako nga numero sang mga residente ang naapektuhan nga yara sa masubra 2.061 milyon katawo sa Ilocos Region, Cagayan region, Central Luzon, Calabarzon, Bicol, Western Visayas, Central Visayas, Eastern Visayas, Cordillera Administrative Region kag Metro Manila.
Sa datos naman sang ahensiya sa kahalitan sa imprastruktura, nagdangat na sa P314 million samtang sa sektor sang agrikultura ang yara sa P30 million.
Nakapagkit naman sang kabug-usan nga 5,965 kabahayan ang naguba kun sa diin 107 diri ang totally damage.
