Padayon nga nagadamo ang mga nagkalamatay matapos nga nagluntad ang magnitude 7.8 nga linog sa pila ka bahin sang Mindanao sang Hunyo 8.
Suno sa Office of the Civil Defense (OCD), naglab-ot na sa 46 ang napatay, samtang 630 ang pilason kag 17 pa ang missing.
Daku man ang epekto sang linog sa sektor sang edukasyon, kon sa diin masobra 1,100 ka mga eskwelahan sa Mindanao ang nahalitan, samtang suspendido pa ang klase sa ginabanta 8,000 ka mga eskwelahan.
Suno sa Department of Education, mahimo maglawig pa sang pila ka bulan antes makabalik sa normal nga operasyon ang pila ka mga buluthuan.
Padayon naman nga nagakooperar ang mga ahensya sang gobyerno sa relief, rescue, kag rehabilitation efforts samtang linibo ka mga pamilya sa Mindanao ang nagasugod sa pagbangon gikan sa isa sa pinakamabaskog nga linog nga nag-igo sa rehiyon sang nagligad nga mga tinuig.
