Ginkumpirma sang United Nations nga naglab-ot na sa 920 ang kumpirmado nga death toll sa sunod-sunod nga linog nga nag-igo sa northern Venezuela sang Hunyo 24.
Samtang nagapadayon ang search and rescue operations sa lugar, 50,000 pa ang nagapabilin nga missing.
Lakip sa mga napatay sa mabaskog nga linog amo ang siyam ka Portuguese nationals, apat ka Espanyol, duha ka Brazilian kag duha ka Chinese, kag isa ka Italian-Venezuelan.
Dugang pa, 56 ka Portuges kag 120 ka Espanyol ang missing pa.
Samtang, nag-abot man ang mga rescue teams kag search dogs gikan sa nagkalain-lain nga pungsod agud magbulig sa operasyon.
Suno sa UN, nagapangatubang ang Venezuela ang pinakagrabe nga kalamidad sa sulod sang masobra isa ka siglo. Mas ginpalala pa ini sang krisis sa ekonomiya kag sang kakulang sang ikaayong lawas kag iban pa nga nagapanguna nga serbisyo.
Nahibaluan nga ang 7.5-magnitude nga linog amo ang pinakamabaskog nga nag-igo sa Venezuela humalin sang 1900.
