Nagresulta sa isa ka mainit nga tensyon kag pisikalan nga komprontasyon ang natabk sa parliament sang Bulgaria samtang ginapatigayon ang isa ka debate natuhoy sa plano nga pagsulod sang pungsod sa eurozone.
Base sa video nga nag guha makita nga gintiklod si Yavor Bozhankov sang partido nga We Continue the Change sa tunga sang mga debate.
Natabo ang tensyon matapos nga gin-aprubahan sang European Commission kag sang European Central Bank ang pag-intra sang Bulgaria sa euro bilang isa ka opisyal nga kwarta sang pungsod umpisa Enero 1, 2025.
Suno sa European Commission, may bastante sila nga basehan agud aprubahan ang pag-intra sang pungsod sa eurozone, kalakip ang maayos nga pagdumala sang inflation, budget deficit, kag utang sang pungsod.
Samtang, nilibo ka nga raliyista man ang nagtilipon sa guha sang parliyamento sa Sofia, dala ang flag sang Bulgaria kag Russia, kag nagasinggitan sang “No to Euro colonialism,” kag bitbit man sang iban pa ang mga plakard nga may nakasulat nga “No to the euro” kag “Yes to our lev.”
Suno kay Prime Minister Rossen Jeliazkov, isa ini ka “remarkable day” para sa pungsod, samtang ginhatagan pagtamod ni European Commission President Ursula von der Leyen nga bangud sa natabo mas magakusog pa ang ekonomiya sang Bulgaria sa euro.
