Debt payments sang Pilipinas, nagtimbuok sa masobra P430B sang Pebrero

Nagtimbuok ang debt service sang gobyerno sang Pebrero 2026, nga naglab-ot sa P430.64 billion halin sa P52.15 billion sang tinalikdan nga tuig, suno sa Bureau of the Treasury.

Nagapanguna nga rason sini ang pagtaas sang amortization ukon pagbayad sang principal sa domestic debt nga naglab-ot sa masobra 10,000%.

Kadam-an sang kabug-usan nga balaydan ang nagakadto sa pagbayad sang utang sa sulod sang pungsod, samtang nagnubo naman sang gamay ang external principal payments. Sa una nga duha ka bulan sang tuig, naglab-ot na sa P568.31 billion ang kabug-usan nga debt service sang gobyerno, masobra sa tatlo ka bes nga mas mataas kun ipaanggid sang tinalikdan nga tuig.