ROXAS CITY-Nagapadayon ang ginapatigayon nga declogging operation sang Department of Public Works and Highways (DPWH) Capiz First Engineering District sa mga barado nga drainage systems nga napahamtang sa mga national highways sa premier distrito sang probinsiya sang Capiz.
Ini ang ginkompirmar ni Engr. Julius Abela, Construction and Maintenance Division chief sang DPWH sang mainterview sang Bombo Radyo.
Ginpahayag ni Abela nga wala sang pag-untat ang ila nga ginpatigayon nga declogging operation bangud regular na ini nga ginahimo sang nasambit nga ahensiya.
Suno sa kay Abela nga nangin positibo ang tinalikdan nga declogging operation bangud naghagan-hagan na ang pagbaha sa mga lugar nga gin-declog na ang mga drainage systems.
Aminado si Abela nga isa sa mga gintuna-an sang pagbaha sa siyudad amo ang mga basura nga nagabara sa kanal.
Magluwas diri, aminado man si Abela nga may yara sang mga drainage nga kinahanglan na nga ma-islan.
Ginklaro ni Abela nga indi sakup sang declogging operation sang talatapan ang mga drainage nga wala napahamtang sa mga national highways.
Samtang nagpanugyan naman ini sa mga LGU sa probinsiya nga magapatigayon sang kaugalingon nga declogging operations sa mga barado nga mga drainage systems.
