Dedikasyon kag pagtimakas ang nangin sikreto matapos makapasar sa Electrical Engineering Licensure Examination ang isa ka estudyante bangud sang iya padayon nga pagpanikasog pisarpa sang madamu nga beses nga pagsulay.
Sa interview sang Bombo Radyo kay Argie Aglinao Bolisig, iya ginpahayag nga indi madali ang iya inagyan antes niya naangkon kag nakuha ang lisensya bilang isa ka electrical engineer bangud gin-agyan niya ang tatlo ka take antes nakab-ot ang kadalag-an.
Suno kay Aglinao, sa tagsa ka kapaltahan, ginahimo niya ini nga leksyon kag inspirasyon agud magpadayon kag indi magpabaya sa iya pangandoy.
Pahayag pa niya, may mga tion nga nakabatyag siya sang sang pagduha-duha kun makapasar pa bala siya ukon indi, ilabi na sa iya mga nauna nga attempts,ang wala ini nangin madinalag-on.
Apang wala siya nagpabilin ini nga positibo kag ginpili niya gihapon nga magpadayon kag magtuon pa gid sang maayo.
Dugang pa sini,ang pagkapasar niya isa ka pamatuod nga ang pagpursige, disiplina kag pagsalig sa kaugalingon amo ang liyabi sa pag-angkon sang success bisan pa madugay ini maabot.
Nagapasalamat man ang natungdan sa iya pamilya kag mga abyan nga padayon nga nagasuporta kag nagahatag sang kusog sa iya sa tunga sang iya mga pagsulay, nga amo ang nagin inspirasyon niya agud indi mag-untat tubtob maangkon ang iya lisensya bilang electrical engineer
