Gin-anunsyo sang defense team ni VP Sara Duterte nga ila nahangpan ang desisyon sang Korte Suprema nga ibasura ang petisyon nga nagakwestyon sa serye sang hearing sang House Justice Committee angut sa impeachment complaint batok sa bise presidente.
Suno sa Defense team Deputy Spokesperson Atty. Justin Nicol Gular, ang pagbasura sang Korte Suprema sa amo nga petisyon ang wala nabase sa merit ukon kabug-aton sang ila argumento nga yara sa nasambit nga petisyon.
Sa baylo suno sa iya, ginbasura ini bangud ‘moot and academic’ bangud nagapadayon ang hearing sa upper house sang Kongreso nga nagaserbe subong nga impeachment court.
Ginpahayag man sini nga ginapaabot sang depensa ang amo nga desisyon kag ginarespeto sang panel ang desisyon sang korte suprema.
Kaangay sini nga mga petisyon ang ginpasaka sang kampo ni VP Sara kag iban pa nga grupo sang mga abogado nga kilala nga mga sumalakdag sang pamilya Duterte.
