Ginpirmahan ni Defense Secretary Gilberto Teodoro Jr. kag Singaporean counterpart nga si Ng Eng Hen ang isa ka defense cooperation agreement nga may tinutuyo pabakuron pa ang relasyon sang duha ka pungsod.
Ini ang ginkumpirmar sang Singaporean defense ministry kun sa diin ang pagpirma sa memorandum of understanding (MOU) may kaangtana sa defense cooperation sa Singapore.
Kaangut sini wala pa sang pahayag ang Department of National Defense (DND) sang Pilipinas may kaangtanan sa pagpirma sang nasambit nga kasugtanan.
Suno sa Singaporean defense ministry, ang MOU ang magaserbi bilang sanga agud giyaan ang mga nagapadayon nga pagpakig-angut kag ipadayon ang kooperasyon sa mga lugar nga may interes sa isa kag isa kaangay sang edukasyon military kag anti-terorismo agud pabaskugon ang mas malapit nga relasyon sang tagsa-tagsa.
Ang pagpirma sang kasugtanan kadungan sang ika-55 nga anibersaryo sang pagkatukod sang diplomatiko nga relasyon sa tunga sang nasambit nga pungsod.
