Liwat nga nag-init ang pagbaisay sa tunga sang prosekusyon kag depensa sa ikatlo nga adlaw sang impeachment trial matapos ang makapila ka beses nga pagpamatok ni Private Prosecutor Atty. Amando Ligutan ang pamaagi sa pagpangusisa ni Defense Counsel Atty. Carlo Joaquin Narvasa.
Nagluntad ang tensyon sa tion sang cross-examination kay NBI Senior Agent John Mark Calilung samtang ginatinguhaan sang depensa nga ibuyagyag ang kaundan sang certification sang Department of Justice angut sa imbestigasyon sa ginaalegar pamahog ni Vice President Sara Duterte.
Ginpahayag ni Ligutan nga “misleading” ang mga pamangkot sang depensa bangud gina-assume nila ang mga detalye nga wala pa napamatud-an sa hearing.
Sa pihak sang mga pagpamatok sang prosekusyon, ginpadayon sang Senado ang hearing kag ang cross-examination sa witness.
