Defense counsel Atty. Ferrer, nagpangabay nga untatan ang side comments sa impeachment court

Nagmanifest si defense counsel Atty. Kristine Ferrer nga untatan na ang mga side comments sa impeachment court, kasunod sang paggamit ni private prosecutor Atty. Lorna Kapunan sang mga tinaga nga “spank” kag “lecture.”

Suno kay Ferrer, wala sang lugar sa korte ang amo nga mga komento bangod mga abogado kag propesyonal ang tanan nga nagapakigbahin sa impeachment trial.

Ginpahayag man ni Ferrer nga kinahanglan respetuhon sang mga abogado ang isa kag isa kag likawan ang mga side comments sa tion sang pagdangat sang mga argumento kag pamangkot.

“We should learn to respect each other and refrain from making side comments,” siling ni Ferrer.

Sabat naman ni Kapunan sa ginpahayag ni Ferrer, “I promise to behave.”