Halin sa pagka-abogado, magaatubang bilang testigo ang defense counsel ni Vice President Sara Duterte nga si Michael Poa sa impeachment court sa Setyembre 2 agud magtestigo para sa House prosecution panel.
Si Poa ang nagserbe bilang DepEd undersecretary kag spokesperson sang departamento sang si Duterte pa ang tiglikom sini.
Ginapahayag nga magatutok ang testimonya ni Poa sa pag-release sang confidential funds sang Department of Education ukon DepEd sa tion nga si Duterte ang tiglikom sang ahensya.
Kalakip man sa ipresenta man sang prosekusyon si Marizza Grande sang Philippine Statistics Authority (PSA).
Ginpahayag ni Escudero nga kun indi makatambong ang duha pa ka testigo nga natalana nga mag-atubang sa Setyembre 1, gilayon nga tawgon si Poa sa witness stand agud indi mausik ang oras sang impeachment court.
