Gintawag nga ‘unfair’ ni Defense lead counsel nga si Atty. Sheila Sison ang desisyon sang prosecution nga bawion ang tatlo ka articles of impeachment complaint batok kay Vice President Sara Duterte.
Suno kay Sison, samtang ginarespeto sang depensa ang desisyon, indi ini makatarunganon sa Bise Presidente bangud ginpahibalo na sa publiko ang mga alegasyon batok sa iya.
Ginhatagan man pagtamod ni Sison nga indi dapat makabenepisyo ang prosekusyon sa mga akusasyon nga ginpasaka sini nga wala ginapaidalom sa scrutiny.
Samtang, gin-athag ni Lead Prosecutor Gerville Luistro nga maid-id nila nga gintun-an ang desisyon agud mahibaluan kon ano ang pinakamaayo nga makaserbisyo sa interest sang impeachment court, sang publiko, kag sang respondent.
Dugang pa ni Luistro nga indi tuyo sang pirosecution nga indi pagsapakon ang gastos nga nahimo sang impeachment court ukon magtuga sang inhustisya kay Duterte.
