Gin-akusahan sang defense team ni Vice President Sara Duterte ang House prosecution panel nga ginatuyo nga ikondisyon ang utok sang publiko angot sa padayon nga pagpresentar sang ebidensiya bahin sa ginaalegar unexplained wealth sang bise presidente.
Ini matapos mag-object si defense lawyer Atty. Justin Nicol Gular sa plano sang prosecution nga ipresentar ang summary sang shareholdings ni Duterte nga ginpreparar sang Securities and Exchange Commission ukon SEC.
Suno kay Gular may label ang dokumento nga “Summary of VP Sara Duterte Shareholdings,” apang ang yara sa listahan amo ang authorized, subscribed kag paid-up capital sang mga korporasyon kag indi lamang ang personal nga shareholdings ni Duterte.
Gintawag ni Gular ini nga “misrepresentation” bangud mahimo nga ma-attribute sang publiko kay Duterte ang tanan nga figures nga yara sa summary, apang ginpahayag ni private prosecutor Atty. Erwin Matib nga may “special column” ang dokumento nga nagaspecify sang personal nga shareholdings sang bise presidente.
Sa ulihi, nagdesisyon si Presiding Judge Francis Escudero nga tugutan ang prosecution nga ipresentar ang amo nga ebidensiya.
